Rubio: Îran dê Bihayekî Giran Bide

Wezîrê Derve yê Amerîkayê Marco Rubio îro Pêncşemê gotinên xwe yên berê dubare kirin ku “Îran ji bo peymanê ne amade ye” û got “ewê bihayê vê yekê bide.” Rubio ev axaftin di civîneke Wezîrên Derve yên Koma Neteweyên Başûrê Rojhilatê Asyayê (ASEAN) de kir. Wezîrî got, "Ewê ziyanên Îranê her şev zêdetir dibin heta ku ew bên ser hişên xwe." Wî herwiha got, "Tevî axaftin û xwe di rewşek baş derxistina Îranê de, ew gelek ziyanê dibînin û ev zirar dê li ser wan berdewam bike." Di heman demê de, Wezîrê Derve yê Amerîkayê hêvî kir ku hikûmeta Îranê ji bo peymanê amade bibe û got ku dibe ku ev yek di nêzîk de çêbibe. Lê belê, wî tekez kir ku ew niha bêguman ne amade ne ji bo peymanê, herî kêm peymaneke wiha ku Amerîka jê razî bibe. Dema ji Rubio pirsîn li ser gotinên Serokê Amerîkayê Donald Trump derbarê êrîşên Îranê ser leşker û keştîyên Amerîkî, Rubio got, ku siyaseta Serok Trump wiha ye: "Eger hûn zirarê bidin wî, ewê du qat bersivê bide we. Ji ber vê yekê Îran dê bihayekî giran bide." Wezîrê Derve yê Amerîkayê herwiha hêvî kir ku êrîşên Hûsîyên Yemenê rawestin û got: "Ez hêvî dikim êrîşên wan kêm bibin, Îranê ew xapandine." Li gor raportan, şerê Amerîka û Îranê mijara herî mezin a civînan bû. Tê pêşbinîkirin ku endamên ASEAN'ê di dawîya vê civînê de daxuyanîyekê bidin û bixwazin ku keştî bi azadî di deryayên navneteweyî de derbas bin.